பாடல்: எம்மின் நீவிரே..!
துறை: மன்னன் (தலைவர்) மாண்பு பற்றி ஒரு கடைநிலைத் தமிழன்
பாட்டுடைத் தலைவன்: எம்மினத்தலைவர் 'பிரபாகரன்'
ஓவியம் மற்றும் கவிதை: சக்திவேல்

எம்மின் நீவிரே..!
தாய்த்-தமிழ் பால் கொண்ட
எம்மின் உணர்வுக்கும்
பெற்ற-தலைவன் பால் கொண்ட
எம்மின் அன்புக்கும் 
உண்டான 'காதல்'
இவ்வோவியக்கவி...!
கவியோவியமும் கூட...!

எம்மின் நீவிரே..!
எம்மின்
அழகுதமிழில் காவியம்
படைத்த கம்பனும்
எம்மின்
வீரம் சொன்ன புறப்பாட்டும்
எம்மின்
காதல் சொன்ன அகப்பாட்டும்
தமிழுக்கிட்ட
உயரத்தையும்
விஞ்சிய உயரமிட்டவன் 
நீவிர்....!
எம்மின் நீவிரே..!

எம்மின் நீவிரே..!
எம்மின் அடையாளம்
இந்தியனென
உலகம் முத்திரையிட
எம்மை தமிழனென
உலகமறியச்-
செய்தவன்
நீவிர்...!
எம்மின் நீவிரே..!

எம்மின் நீவிரே..!
எம்மின் கலையும், பண்பாடும்
இந்தியன் அழிக்கும் தருணம்
எம்மை தலைநிமிர்த்தி, பண்படுத்தி
எமக்கு நெஞ்சுரமிட்டு
போராட வைத்தவனும்
நீவிர்...!
எம்மின் நீவிரே..!

எம்மின் நீவிரே..!
உலகம் ஆண்ட
யாம்
ஊரின்றி தவித்ததனால் 
உலகம் வியக்க
எமக்கு
ஊர் பெற
உன்குடும்பம் இழந்தாயோ!
எம்மின் நீவிரே..!

எம்மின் நீவிரே..!
நீ உன் குடும்பம்
இழந்தாலும்
ஒருவேளை
யாம் உன்னை இழந்திருந்தாலும்!
நீ எங்களுக்கிட்டுச்சென்ற
வீர-அடையாளமிருக்க 
எமக்கென்ன அச்சம்..!
அஞ்சவேண்டியவன்
யாமில்லை
பகைவனும், துரோகியும்...!
எம்மின் நீவிரே..!

எம்மின் நீவிரே..!
ஈழத்தந்தை 'செல்வா'
தமிழ் தேசியத்தின் தந்தை
'நீவிர்'...!
ஆம்
இந்திய-ஏகாதிபத்தியத்திலிருந்து
தமிழ் தேசியம் 
மலரும் நாள்
வெகுதூரமில்லை....!
இதுவும்
நீவிர் கொடுத்த
உந்துதலே...!
எம்மின் நீவிரே..!
அன்புடன்
சக்தி....


கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

விளையாட்டாக சொல்கிறேன் #10

ஒரு இரண்டடி நீளம் கொண்ட கம்பை கொண்டு, இருபுறமும் கூர்மையாக்கப்பட்ட ஒரு ஜான் அளவுள்ள சுறு குச்சியை அடித்து விளையாடுவதுதான் அந்த கிரிக்கெட்டின் முன்னோடியான கிட்டிபுள்ளு. பல ஊர்களிலும் பல பெயர்களால் அழைக்கப்படும் இந்த ஆட்டம் ஒரு வீர விளையாட்டென்றே மதிப்பிடலாம். ஏனென்றால் விளையாடும் யாருக்குவேண்டுமானாலும் அடிபட நேரிடலாம், மைதானத்தில் கிடைக்கவில்லை என்றாலும் வீட்டில் கட்டாயம் கிடைக்கும்! கிட்டிபுள்ளு பல மாதிரிகளாக விளையாடப்பட்டாலும், எங்கள் பகுதியில் விளையாடப்படுவது இந்த வகைதான். ஒரு சிறு குழி தோண்டி, அதன் குறுக்கில் முதலில் அந்த கூர்மையாக்கப்பட்ட புள்ளை வைத்து, எதிர் வீரர்கள் நிற்கும் திசைக்கு எதிர் திசையாக திரும்பி, முகம் முட்டியை தொடும் வண்ணம் குனிந்து, கிட்டியை வைத்து ஆளில்லா பக்கம் நெம்ப வேண்டும். உந்தப்பட்ட புள்ளை யாரும் பிடித்துவிட்டால், ஆடியவர் அவுட், இல்லை என்றால், எங்கேனும் கீழ்விழுந்திருக்கும் புள்ளை எடுத்து எங்கிருந்து வந்ததோ அந்த இடம் நோக்கி எறிய வேண்டும். நெம்பியவர், கிட்டியை கையில் வைத்துக்கொண்டு ஷேவாக் போல கண்ணை மூடிக்கொண்டு எதிர் வரும் புள்ளை அடிப்பார். அது அடிபடாமல் அந்த க...
மேலும் படிக்கவும்

விளையாட்டாக சொல்கிறேன் #2

நட்பு என்ற சொல்லின் விளக்கமறியாதபொழுதில் கிடைத்த கன்னி நட்புதான் வினோதன். தமிழை காதலிப்பவர்கள் பலர் இருக்கலாம். ஆனால் தமிழையே தன்னை காதலிக்க வைத்துவிடுவார் தன் தமிழ் ஆளுமையால். அதற்கு காரணமும் உண்டு. அந்த காரணம் வேறுயாருமில்லை அவனின் தாத்தா, தமிழ் ஆசிரியர். அவன் தாத்தாவைப்பற்றி சொல்லி உடல் சிலிர்த்துக்கொள்ளும்பொழுதெல்லாம் எனக்கு அப்படியொரு தாத்தா இல்லையே என்றொரு ஏக்கம் ஏற்பட்டதுண்டு. அப்படிப்பட்ட அமுத தமிழின் காதலன், சுற்றத்தாரை நேசிக்கும் அன்பன் சிறிதுகாலம் நட்பு பாராட்டிவிட்டு ஏம்பல் பள்ளிக்கு மாற்றமாகிவிட்டான் என்னை ஏமாற்றிவிட்டு! அன்றைய பொழுதில் என் நண்பர்களாக வாய்த்தவர்களில் முக்கியமானவர்கள் காளி, கணேஷ், அன்பு, அருள், கார்மேகம், உத்ராபதி, ஸ்டாலின், சக்தி. இவர்களில் காளி கணேஷ் இருவர் வீட்டில்தான் என் முழுநாளைய விளையாட்டும்.. பிற்பாடு மற்ற நண்பர்கள் வீட்டிற்கும் செல்லதுவங்கினேன். எந்த வீட்டிற்கு சென்று, அவர்களின் வீட்டுவேலையும் முடிக்காத எந்த நண்பனையும் முழு நேரமாக விளையாட அழைத்துவந்துவிட்டாலும், அவர்களின் பெற்றோர்கள் ஏதும் என்னை கடிந்துகொண்டது கிடையாது. அதற்கு என் குடும்ப பின்னனியு...
மேலும் படிக்கவும்
படம்
தமிழ், தமிழன், தமிழின் வரலாறு: தமிழ்: இசைக்கு ஒரு மொழி இசைக்கும் ஒரே மொழி கற்காலத்திலும், தற்காலத்திலும் மானுடன் விழிகண்ட ஒரே பொற்கிழி! தமிழன்: தலைவனிழந்து தறுதலையிடம் தலைதாழ்ந்த ஒரே தமையன்! முன்னவன் சாமானியனாயினும் தேகம் மண்ணுண்டதும் நடுகல்லென கடவுளாக்கப்பட்டவன், பின்னவன் வாகை சூடியவனாயினும் வாடைக்கடவுளுக்கும் வெண்நூல் மாக்களின் சாதிக்கும், மதத்திற்கும் இரையாக்கப்பட்டவன்! தமிழின் வரலாறு: பதிவுகளற்ற படிமங்களின் எச்சங்கள்! மலையாளிக்கு அது ஒரு திரிப்புக்குள்ளாகும் தின்பண்டங்கள்! பாரதத்திற்கு அது ஒரு மறைக்கப்படவேண்டிய மந்திரங்கள்! உலகிற்கு அது ஒரு உற்றுநோக்கப்பெறா உண்மைகள்! தமிழனுக்கு அது ஒரு மறக்கப்படவேண்டிய மதிப்புகள்! எனவேதான் தமிழன் மதிப்பையும் அடையாளத்தையும் இழந்த அகதிகள் என்றானான்! தமிழனும், தமிழும் எழ வேண்டும்!!!
மேலும் படிக்கவும்